حبيبي لاتكبرها ترى الضيقـه تجـي وتـروح
واناطالبـك تكـفـى ياحبيـبـي لاتكبـرهـا
ترى الدعوى بسيطه لاتزوّد فالجروح جـروح
وانا بكتب قصيده ياحبيبـي وأنـت شاعرهـا
أنا لولاك ماشيدت لي وسط القصيـد صـروح
تراك أجمل قصيده حـب أكسرهـا وأجبرهـا
تراك أنت الوحيد اللي سكن وسط الجسد والروح
و تراك أحلا عبـاره دايـم أكتبهـا وأعبرهـا
تراك أنت البدر لامن طلع زاد الوضوح وضوح
تراك أحلام توقضني ولا ادري كيف افسرهـا
عطيتك من عروق القلب شيكٍ بالغـلا مفتـوح
وعطيتك كل كلمه من صميم القلـب مظهرهـا
وتخطي ثم تخطي بس أقول بخاطري مسمـوح
أنا وشلون أطالـع غلطتـك ياكيـف أناظرهـا
ترى مقدر على صدك ومهما تروح أنا بـاروح
اليـن القـاك واجـدد محبتـنـا واطـورهـا
وانا بقول لك كلمه: ترى الضيقه تجي وتـروح
وترى الدعـوى بسيطـه ياحبيبـي لاتكبرهـا